مايرنو سيتي

يا هلا بيكم شرفتونا ونورتونا

مدينة الجمال والروعة والسياحة

المواضيع الأخيرة

سحابة الكلمات الدلالية


    صمت الكلمة

    شاطر
    avatar
    عبداللطيف الشاعر

    عدد المساهمات : 18
    تاريخ التسجيل : 28/07/2010
    العمر : 31
    الموقع : مدينة مايرنو-سنار-السودان

    صمت الكلمة

    مُساهمة من طرف عبداللطيف الشاعر في الأربعاء يناير 26, 2011 9:10 am

    {صمت الكلمة}

    جيتك شايل صمت الكلمة شان اشرحلك احلام باكر
    كان في منايا اريدك انت إلا قليبك اصبح ناكر
    ¤¤¤¤¤‏¤
    كنت دوام بتمنى اشوفك دوحة حب في الزمن الغابر
    فيك ياغالية نظمت اشعاري لما بقيت في ريدك شاعر
    فاكرقربك لي سعادة درب الريد مفروش بازاهر
    فجاة لقيتو غرامك خدعه نبض الشوق جواي متناثر
    ¤¤¤¤¤¤
    فاكرقلبك ليا بيخلص في جواي حنين وخواطر
    إلا براك نسيتي العشره سبتي وراك الحلم النادر
    كنت زمان برتاح لشوفتك واستخزنتك فيني مشاعر
    شان يوم بعدك يبقى حقيقة يفضل فيني الحب الطاهر
    ¤¤¤¤¤¤
    خنتي براك الريد والإلفة بعدما شلتك جوه الخاطر
    ما بتوقع قسوة قلبك وقلبك يصبح ثعلب ماكر
    كنت زمان مخدوع في ريدك كل الكان اوهام ومظاهر
    زيما نسيتي هواي وخنتي بقدر انسى هواك واغادر
    ¤¤¤¤¤¤
    شيلي ملامح مني وفوتي مابطراك لوجبتي عساكر
    ياما كتير اخلصت في ريدك كنت رحيق الغيم الماطر
    فاكرك انت ملاك متفرد فجاة لقيتك طيف متناثر
    بكره بتعرفي اني هويتك واستنشقتك نبض الخاطر
    ¤¤¤¤‏*‏*¤¤¤¤¤



    عبداللطيف عثمان بله
    مدينة مايرنو/حي بانت


    عدل سابقا من قبل عبداللطيف الشاعر في الثلاثاء يونيو 30, 2015 6:12 am عدل 1 مرات
    avatar
    اسماعيل دش

    عدد المساهمات : 50
    تاريخ التسجيل : 20/05/2011
    العمر : 41
    الموقع : سنار مايرنو

    رد: صمت الكلمة

    مُساهمة من طرف اسماعيل دش في السبت مايو 12, 2012 1:23 am

    الله الله على الزوق الجميل

      الوقت/التاريخ الآن هو الإثنين ديسمبر 11, 2017 11:24 pm